同港樂合作的一次夢幻旅程

今次同HKPhi港樂合作拍攝商場嘅片，意味住又要通頂啦。因為商場營業時間一定唔會俾你亂咁嚟。

同HKPhi 港樂合作絕對係大挑戰，首先要由編曲開始，客戶要求演奏一首聖誕歌曲，由至少五位樂團成員演奏，編曲嘅重任都要交俾我哋。好彩Redline有兩位音樂奇才Jacky Yu同埋Anthony Chan，由佢哋負責編曲及監製。所以除咗拍攝之外我哋都要兼顧埋錄音同埋Music Composing。當然喺拍攝方面亦都遇到唔少困難，除咗要帶住一位年紀唔細嘅聖誕老人零晨時份走遍唔同嘅商場拍攝派禮物嘅場景，而且通宵過後又要即刻去到文化中心為五位樂師拍攝及錄音，好彩拍攝尚算順利，加上後期同事嘔心瀝血咁去剪接以及加上後製，令到條片出嚟嘅效果客戶同HKPhi港樂都非常滿意。