Panasonic IH 電磁爐 – 無火煮食,易用又安全

Clients: Panasonic Hong Kong 

Director: Penny Cheng
Producer : Vic Yu
DOP : Penny Cheng
Gaffer : Chi
PM:Kuen
Art Director:Ho G
Offline : Patrick
TC : Ken
Online : Snake

Panasonic IH 電磁爐製作記錄

電磁爐小精靈

今次嘅創作意念係透過女主角使用電磁爐嘅輕鬆自在感覺,同時配合由男角飾演嘅“小精靈” 嘅講解, 帶出電磁爐易用安全嘅特性。所以喺構思男主角嘅動作時就希望佢可以有唔同程度嘅演繹,時而大動作,時而滑稽灰稭,加強觀眾對佢嘅印象,從而對廣告留下記憶。

除咗演員嘅表情同演技有要求外, 製作上仲要喺視覺嘅協調, 所以喺拍攝前我地作出以下嘅準備:

 

1. 鏡頭焦距與人物比例測試

不同嘅焦距同人物比例帶出黎嘅效果都唔同,透過測試及與客戶商討後,大家覺得高度大約12cm 最合適。而拍攝前我地亦準備左紙板人,在現場拍攝參考比例之用。

用男主角迷你紙牌做目測,客人最後決定用12cm。

2. 透明人

除咗拍攝前做test 之外,現場我地仲準備咗 video mixer,喺拍攝男主角時即時評估 Key 完後嘅感覺有冇唔協調嘅地方。最有趣嘅係,拍攝當日服裝師咁啱著咗一件綠色衫,所以每次佢幫男主角整理服裝時,上半身都好似透明一樣。

3. Red V-Raptor 480 fps

    為咗令呢個“小精靈”喺動作上更多元化,所以希望透過喺尾鏡加入慢動作,令佢嘅演繹更誇張,但亦唔會太搶鏡之餘,令觀眾覺得尾鏡有趣,但亦可以睇清楚產品特性。不過由於製作預算有限,租唔到 Phantom Flex 攝影機,本來都要打消呢個念頭。咁啱 Red V-Raptor 呢部機12月下旬到咗香港,即刻第一時間去試機。由於之前用 Red 拍 Key 時嘅效果唔係太理想,本來都有啲猶豫,但試完後覺得慢動作嘅效果唔錯,所以都係決定博一次,亦都帶定另一部機作後備。好彩今次呢代 Red 嘅質素都令人眼前一亮。

    P.S. 同事們測試時嘅演繹,大家又俾幾多分呢?

    ×

    Powered by WhatsApp Chat

    ×